चित्रकारabout

बालपुस्तकमा चित्राङ्कन गर्दा अति गम्भीर बन्नुहुने चित्रकार सुमन महर्जनका चित्रमा कथा प्रस्ट खुलेर आउँछ । ५० भन्दा बढी बालपुस्तकमा चित्राङ्कन गरिसक्नुभएका महर्जन नयाँ प्रयोग गर्न रूचाउनुहुन्छ । यही नवीन शिल्पका लागि विभिन्न संस्थाबाट पुरस्कृत भइसक्नुभएका उहाँमा सानैदेखि चित्र कोर्ने रूचि थियो । सिर्जना कलेज अफ फाइन आर्ट्सबाट स्नातक तह पूरा गर्नुभएका महर्जन राम्रो एनिमेटर पनि हुनुहुन्छ । उहाँ कथावाचक समाजका कार्यसमिति सदस्य हुनुहुन्छ ।